Bi, bithidh.

Mìneachadh

Tha na riochdan a leanas de na faclan gnìomh air an cleachdadh airson òrdugh (no iarrtas) a thoirt seachad:
  • bi (ri aon), bithibh (ri còrr is aon)
  • Bi modhail!
  • Bithibh foighidneach.
Agus le cuir:
  • cuir (ri aon), cuiribh (ri còrr is aon).
  • Cuir post-dealain thuca.
  • Cuiribh dhibh ar còtaichean.
Tha na riochdan seo a’ gabhail a-steach sinn:
  • bitheamaid/biomaid, cuireamaid
  • Bitheamaid taingeil.
  • Dèanamaid adhradh.
[Chan eil iad seo air an cleachdadh ach ann an suidhichidhean foirmeil, leithid adhradh.]Tha an riochd seo air a chleachdadh airson òrdugh (no iarrtas) a thoirt do chuideigin seach an neach ris a bheilear a’ bruidhinn
  • Cuireadh iad ceist a-steach thugainn agus bheir sinn dhaibh freagairt.
[Chan eil an riochd seo cumanta.]Canar am freumh ris an riochd òrdanachaidh de fhaclan gnìomh mar cuir, fàg, dèan. Tha seo a chionn is gun gabh mòran de na riochdan eile a dhèanamh leotha, a’ leantainn nam pàtran seo:
  • cuir – chuir, cuiridh, (a) chuireas
  • dùin – dhùin, dùinidh, (a) dhùineas
  • èist dh’èist, èistidh, (a) dh’èisteas
  • fuirichdh’fhuirich, fuirichidh, (a) dh’fhuiricheas.
 
Print Friendly