Seo, sin, siud

Mineachadh

Tha na faclan seo, siud, sin air an cleachdadh airson rudan a chomharrachadh a-mach:

• Seo far a bheil mi a’ fuireach.
• Sin (agad) Beinn Nibheis.
• Siud an duine mun robh mi a’ bruidhinn.

Faodar an cleachdadh leotha fhèin ann an seantans mar seo:

• Tha seo math.
• Feumaidh mi sin a dhèanamh.

Tha seo, sin agus ud air an cleachdadh às dèidh faclan eile airson na rudan sin a chomharrachadh a-mach:

• Tha na taighean seo glè shnog.
• Tha iad sin air a’ bhus a h-uile latha.
• Tha am baile ud thall nas motha na am baile againne.

 

---