Tha an rabhadh air a sgrìobhadh ann an dearg.

Mìneachadh

Tha grunn dhòighean eile ann a ghabhas cleachdadh airson innse gun deach (no gun tèid) rudeigin a dhèanamh air rud no neach.Tha am pàtran a leanas stèidhte air tha, bha, bidh còmhla ri air agus faclan gnìomh leithid sgrìobhadh no cumail:
  • Tha an rabhadh air a sgrìobhadh ann an dearg.                                         
  • Tha na leabhraichean air an cumail anns a’ phreasa sin.                 
  • Tha mi air mo leòn.
[Tha rabhadh agus a a’ co-fhreagairt air a chèile sa chiad seantans, na leabhraichean agus an san dara seantans agus mi agus mo san tè mu dheireadh.]Tha an ath phàtran stèidhte air tha còmhla ri gam, gad, ga, ga h-, gar, gur, gan/gam agus faclan gnìomh leithid sàrachadh no fliuchadh:
  • Tha thu gad shàrachadh fhèin.                                                                   
  • Tha sibh gar fliuchadh.
  • Tha na dorsan gam peantadh.
[Tha thu/gad a’ co-fhreagairt a chèile sa chiad seantans, sibh/gar san dara tè agus na dorsan agus gam san t-seantans mu dheireadh. Uaireannan tha gam agus gad air an ràdh mar dhà fhacal: ga mo, ga do.]Mu dheireadh, tha na pàtrain a leanas air an cleachdadh ann an suidhichidhean àraidh:Gabh:
  • Cha ghabh sin dèanamh.                                                                                    
  • Cha ghabh e ithe.
Dèante:
  • Dh’fhàgte a-muigh e fad na h-oidhche.                                                             
  • Tha sin sgrìobhte san leabhar.
Tha + ri/gun:
  • Tha tòrr ri dhèanamh.                                                                                            
  • Tha tòrr dhaoine againn ri fhaicinn.
  • Tha tòrr gun dèanamh fhathast.
Faod/feum:
  • Faodar na solais a chur dheth.                                                                     
  • Feumar an rùm a sgioblachadh.
Print Friendly