An t-Alltan 2012
Co-labhairt do thidsearan Gàidhlig bho Stòrlann
3 & 4 Dàmhair, san Aghaidh Mhòir
Bha còrr is 100 riochdaire an làthair thairis air an dà latha aig Ionad-Co-labhairt MhicDhòmhnaill san Aghaidh Mhòir, nam measg tidsearan sgoil-àraich, bun-sgoile agus àrd-sgoile agus oifigearan leasachadh deagh-ghnè. B’ e prìomh amas an Alltain cothrom a thoirt do riochdairean goireasan Stòrlann, agus dòighean air an cleachdadh gu h-eadar-ghnìomhach san rùm-teagaisg, a rannsachadh. Chaidh seo a dhèanamh tro bhùithtean-obrach air an stiùireadh le eòlaichean cuspair a bha air a bhith a’ cleachdadh nan goireasan.
Am-bliadhna, bha luchd-obrach 0-3 aig Bòrd na Gàidhlig còmhla rinn. Bha bùithtean-obrach gnìomhach agus òraidean inntinneach aca dhaibh fhèin mar phàirt den Alltan Bheag.
Chaidh Alltan 2012 fhosgladh leis an Ollamh Alasdair Allan BPA, Ministear airson Ionnsachadh, Saidheans agus Cànanan na h-Alba.
Thug Dòmhnall Iain Dòmhnallach à Àrd-sgoil Sheumais Ghilleasbaig ann an Dùn Èideann seachad òraid mu cheannas brosnachail. Bha Mgr Dòmhnallach na Cheannard air Àrd-sgoil Liberton an Dùn Èideann far an d' fhuair e moladh mòr airson na buaidh a thug e air an sgoil agus air a' choimhearsnachd.
Bhruidhinn Bruce Robasdan bho Riaghaltas na h-Alba air IT ann an clas Gàidhlig an latha an-diugh.
Thug Iain Aonghas MacAoidh, Ceannard Bòrd na Gàidhlig, sùil fharsaing air leasachadh na Gàidhlig ann an co-theacsa Plana Cànain Nàiseanta Gàidhlig 2012 - 2017.
Thug Màiri Nic a’ Mhaoilein seachad taisbeanadh nas mionaidiche air amasan a’ Phlana Cànain Nàiseanta Ghàidhlig airson nan raointean leasachaidh a’ buntainn ri foghlam Gàidhlig.
Am prògram
Diciadain a-mhàin
Book Bug – Leughadh stòiridh
A’ leasachadh cànan agus labhairt ann an clann òg a’ cleachdadh dòighean practaigeach agus teòiridh.
(T-Ì, P1&2)
Linda Burgar
iPad – App Ar Stòiridh
A’ cleachdadh IT agus an iPad
Mar a chleachdas tu an App - Ar Stòiridh. App a leigeas le clann stòiridh mun rud a rinn iad an latha sin a chruthachadh ’s a chlàradh, uile tron Ghàidhlig, agus èisteachd ris agus a sgaoileadh.
(T-Ì & P1&2)
Chrismar Montgomery, Joanna McPake & Christine Stephen
Mìrean
Bruidhinn air mearachdan cumanta ann an labhairt agus sgrìobhadh, agus dòighean faighinn thairis orra le bhith cleachdadh ‘Mìrean’ agus goireasan cànain eile.
(B-S)
**Feasgar a-mhàin**
Sarah NicEachainn & DI MacLeòid
GOC
A’ faighinn mìneachadh air puingean GOC agus a’ ceartachadh earrannan mar eacarsaich.
(À-S*)
D I MacLeòid
**Madainn a-mhàin**
*Tha a’ bhùth-obrach seo a’ toirt prìomhachas do thidsearan cuspairean àrd-sgoile, ach tha i fosgailte do dhaoine eile a tha sireadh taic air puingean GOC.
Gàidhlig - Cruinneachadh nam Fileantach
Sùil air a’ ghoireas a thathas a’ cruinneachadh, agus cothrom beachdan a chur air adhart a thaobh ’s dè an còrr a tha a dhìth.
(À-S)
Christina Walker & Dòmhnall Eòghainn MacFhionghain
Diciadain & Diardaoin
Saidheansan, Ìre 2 – Deuchainnean practaigeach airson a’ chlasrum
Seisean practaigeach agus fiosrachadh air deuchainnean a ghabhas dèanamh anns a’ bhun-sgoil aig an dàrna ìre.
( B-S)
Murchadh Peutan
A’ Chiste-chiùil / Kodaly
Dòigh ionnsachadh ciùil a tha, a rèir sgoilearan, a’ leasachadh sgilean co-cheangailte ri leughadh, gluasad, tuigse, cruthachadh bhun-bheachdan agus matamataig.
(T-Ì, P1&2 )
**Feasgar Diciadain a-mhàin, madainn is feasgar Diardaoin**
Litearrachd – Ceàird an Sgrìobhaiche/Giglets
A’ toirt sùil air leughadh agus sgrìobhadh co-roinnte agus a’ toirt bheachdan feumail do thidsearan, leis na goireasan, gus sgilean nan sgoilearan a leasachadh.
(B-S, À-S)
Sarah Fhriseal
Dràma – Stòiridh gu Stèids
A’ mìneachadh goireas a bhios air-loidhne agus nan ceumannan a dh’fheumar gabhail airson sgeulachd a thoirt gu sgriobt dràma airson an àrd-ùrlair.
(À-S)
Dougie Beck & Aonghas MacLeòid
Diardaoin a-mhàin
Gàidhlig – Leasachadh Proifeiseanta Leantainneach – sùil air a’ chùrsa Streap
Chan ann a-mhàin do thidsearan a tha a’ gluasad bho theagasg sa Beurla gu teagasg taobh na Gàidhlig a tha am prògram Streap. Tha Streap gu tur air a dhealbh ann an dòigh a tha freagarrach do gach tidsear Gàidhlig a tha a’ teagasg a cheana anns a’ bhun-sgoil no anns an àrd-sgoil.
(T-Ì, B-S, À-S)
Christina Walker
Prezi
’S e bathar bog airson thaisbeanaidhean, stèidhte san sgòth, a th’ ann am Prezi a dh’fhosglas saoghal ùr eadar bùird-gheala agus slaighdean.
(T-Ì, B-S, À-S )
Aine NicCarmaig
Measadh agus Co-mheasadh - bho thaobh an tidseir
Beachdan agus eisimpleirean practaigeach bho thidsearan ann an CNES air a bhith a’ dèanamh measadh agus co-mheasadh airson còmhradh agus ionnsachadh bho chèile a bhrosnachadh.
(B-S)
Iain MacRath
Eòlas na h-Alba
Fiosrachadh air mar a dheasaich Acadamaidh Grange cùrsa dhaibh fhèin air Eòlas na h-Alba agus mar as urrainn dha tidsearan chuspairean a cho-cheangal ri obair nan clasaichean aca.
(À-S )
Màiri Ellen Stiùbhart, Jean Hillhouse & Marilyn Waters SQA
Sgeulachdan goirid
Sgeulachd ghoirid mar mhodh-sgrìobhaidh agus dòighean air teagasg do sgoilearan mar a bu chòir dhaibh sgeulachdan a sgrùdadh agus a mhìneachadh.
(À-S)
D I MacLeòid