An t-Alltan 2008 -
Co-labhairt do thidsearan Gàidhlig bho Stòrlann
Thàinig ceud tidsear bho àrd-sgoiltean agus bun-sgoiltean air feadh Alba ri chèile ann an Taigh-òsta Dhruim Athaisidh ann an Inbhir Nis air 8 agus 9 Dàmhair airson sùil a thoirt air goireasan ùra agus air iomairtean agus leasachaidhean ann an ionnsachadh agus teagasg co-cheangailte riutha seo. Bha cothroman ann eòlas a chur air bathar-bog ùra, dòighean-teagaisg a dheasbad agus cur ri leasachadh stuthan ùra. Chaidh a’ cho-labhairt a chur air bhog le fàilteachadh bho Chomairle na Gàidhealtachd aig an tug Hamish Friseal, Cathraiche Comataidh Gàidhlig na Comhairle, iomradh air na leasachaidhean ùra a tha a’ tabhann chothroman ùra do Ghàidheil òga an-diugh, leithid sgoiltean làn-Gàidhlig agus an sianal ùr ‘BBC Alba’.
Ann a bhith a’ meas na co-labhairt, thuirt deagh chuid de na bha an làthair gum ‘bu chòir seo tachairt a h-uile bliadhna.’ Anns an eadar-ama, bidh pàipearan na co-labhairt agus faidhlean-èisteachd rim faotainn air an làrach seo ann an ùine gun a bhith fada.
Am prògram:
Òraidean
- Foghlam Gàidhlig agus meadhan Gàidhlig’: Murchadh MacÌomhair, Comhairle Lannraig a-Tuath agus Rosemary Ward, Bòrd na Gàidhlig
- ‘An Tidsear mar Ghoireas’:
Joan NicAoidh, HMIe
Prìomh sheiseanan
(Cliog air an tiotal is nochdaidh na sgrìobhainnean)
An t-Alltan Seminar Report - Creative Writing (Secondary) (119 KB)
Bàrdachd: cà’ n tòisich mi? (116KB)
A’ sgrìobhadh aiste mu bhàrdachd (72KB)
Cànan airson teagasg litreachais (192KB)
Ceist airson aiste mu An t-Eilean na Bhaile (137KB)
Notaichean air An t-Eilean na Bhaile (149KB)
Notaichean air Bho: A’ Dràibheadh ann an Aimearagaidh (89KB)
Air sgàth àireamhan ìosal cha deach seisean foirmeil a dhèanamh dheth seo idir ach bha cothrom aig tidsearan nan cuspairean coimhead air stuthan ùra agus stuthan Anns a' bheairt agus còmhradh mu fheumalachdan agus dòighean-obrach. Tha Aonghas Iain Dòmhnallach a' cò-ordanachadh obair-deasachaidh stuthan nan cuspairean aig Stòrlann agus faodaidh fios a chur thuige tro 'cuir fios'.
Bùthan-obrach sgilean
- A’ cleachdadh bathar-bog Textease: Alan Stewart, Comhairle na Gàidhealtachd
- A’ cleachdadh bathar-bog Kar2ouche: Ray Shaw, Immersive Education
- A’ cleachdadh dheuchainnean-measaidh fheumalachdan sònraichte ‘SNAP’: Eairdsidh MacLullaich
- A’ cleachdadh ghoireasan Gàidhlig air an eadar-lìon: Mòrag NicDhòmhnaill, Gàidhlig air-loidhne
Tha Stòrlann a’ toirt taing chridheil do na leanas airson taic le maoineachadh, innealan is eile:
Comhairle na Gàidhealtachd, Learning and Teaching Scotland, Fèisean nan Gàidheal, UHI Colaiste Inbhir Nis, Acadamaidh Charlestown, Riaghaltas na h-Alba, Bòrd na Gàidhlig.
Ar taing cuideachd do luchd-obrach Thaigh-òsta Dhruim Athaisidh.