Tha mi nam…

Home » Clàr-amais » Ag innse mu rudan a tha a' tachairt aig an àm seo » Tha mi nam...

Mìneachadh

Tha tha, a bheil, chan eil air an cleachdadh còmhla ri nam, nad, na/na h-, nar, nur, nan/nam agus faclan a tha a’ seasamh airson gnìomh mar ruith no seasamh airson innse mun staid no mun t-suidheachadh anns a bheil neach no rud. Mar eisimpleir:

• Tha mi nam sheasamh.
• Tha e na shuidhe.

’S e seo na diofar riochdan de na:

• Tha mi nam sheasamh. (mi)

• A bheil thu nad dhùisg? (thu)

• Tha an cù na shuidhe. (e)

• Tha an nighean na cadal. (i)

• Tha sinn nar cabhaig. (sinn)

• Tha sibh nur sìneadh. (sibh)

• Tha na càraichean nan stad. (iad)

[Tha toiseach an fhacail ag atharrachadh às dèidh nam (mi), nad (thu) agus na (e).   Uaireannan, tha nam agus nad air an ràdh mar na mo agus na do.]